"O futuro está na orixe"

Bea Comenda, decana da Facultade de Historia de Ourense

martes, 24 de marzo de 2015

Oito partidos políticos asinan a Declaración de apoio ao uso cultural da fortaleza de Monterrei

O sábado 21 de marzo, deputados e dirixentes de oito forzas políticas asinaron unha declaración en Monterrei, comprométendose a recuperar a fortaleza para uso cultural e a desenvolver todas as actuacións posibles para poñela en valor ao servizo da cidadanía. 

Estiveron representados: PSdG-PSOE; BNG; EU; ANOVA; AGE; Ciudadanos; CxG; Podemos e 'Veciños de Monterrei'.

DECLARACIÓN DE APOIO DOS GRUPOS POLÍTICOS AO USO CULTURAL DA FORTALEZA DE MONTERREI

Os abaixo asinantes, en representación dos partidos políticos galegos, comprométense a traballar, apoiar e tomar todas as medidas posibles no seu ámbito de competencia para:
- Recuperar a fortaleza de Monterrei para uso público e cultural, rexeitando o uso hoteleiro que pretende darlle o Goberno da Xunta de Galicia.

- Adicar o castelo a fins culturais e de promoción turística da comarca de Monterrei, tal e como se recollía no contrato de cesión asinado pola Xunta e o Estado central no ano 2010.
- Desenvolver as actuacións necesarias para conservación e posta en valor do monumento recollidas no Informe do Consello da Cultura Galega e nos escritos das Facultades de Historia das Universidades de Santiago e Vigo, redactados a instancias da Plataforma Cidadá en Defensa do Castelo de Monterrei:
- Protección legal máxima para todo o conxunto, que dado o seu valor patrimonial e singularidade, precisa dunha figura de protección que redunde no estudo, conservación e difusión da zona, polo que debe ser clasificado como Conxunto Histórico.
- Redacción e desenvolvemento dun Plan Director co obxectivo de por en valor toda a acrópole, incluíndo as casas particulares e o espazo entre murallas, reservando o castelo para uso cultural e lúdico.
- Creación dun Padroado coa participación das autoridades, institucións educativas-culturais e asociacións cidadáns que promova a posta en valor e supervise a xestión do monumento.
- Redacción dun Plan de Rehabilitación e adecuación dos espazos edificados e naturais coa necesaria dotación orzamentaria, que faga da acrópole un espazo atractivo para o lecer e a aprendizaxe da cidadanía.
- Promoción dos valores culturais e turísticos do recinto de Monterrei, conectándoos a outros moitos existentes na comarca, co obxectivo de fomentar as visitas turísticas e educativas.


En Monterrei, a 21 de marzo de 2015

xoves, 19 de marzo de 2015

Xornada sobre o lobo en Castrelo do Val


PROGRAMA XORNADA DO LOBO
CASTRELO DO VAL  21 DE MARZO DE 2015
LUGAR: Biblioteca do Concello

16 H. Presentación da Xornada. Representante do Concello de Castrelo do Val.

16.05 H: ENTREVISTA A MARCOS RODRIGUEZ PANTOJA: Marcos(Añora, Córdoba, 7 de Xuño de 1946) é un pastor coñecido por ser un dos poucos casos documentados de nenos ferales en España. En 1954, Marcos tiña sete anos, e tras unha vida de malos tratos, foi vendido o entregado a un cabreiro, quen viviú con él nunha cova. Trala morte do cabreiro o neno quedou abandoado no medio da natureza. Foi atopado en 1965 pola Garda Civil, tras doce anos vivindo en completo illamento dos seres humans e con a sola compaña dos lobos. A Garda Civil trasladouno a Fuencaliente. A policía nunca presentó cargos contra o pai, quen nese momento aún vivía. FONTE: Wikipedia.

ENTREVISTA: Alberto Rivero (Naturalista).


16.45 H: PROXECCIÓN DO DOCUMENTAL ‘CONVIVIENDO CON LOBOS’: O documental é un traballo da asociación sanabresa ‘El huerto del Pozo’. Eles mesmos na sua páxina web falan de ‘Permacultura, ecoloxìa, movementos sociais, contrainformación, cultura e moito máis visto dende unha pequena horta de Sanabria sobre as bases do mundo rural, indigenista, libertario e ancestral’.


17.30 H: PAUSA.

18.00 H: ARQUEOLOXIA DO LOBO NO NOROESTE DA PENINSULA IBERICA. PONENTE: DAVID PEREZ LOPEZ. David Pérez López (Bande, Ourense, 1972) é un arqueólogo que leva varios anos estudando o fenómeno foxo. Foi director da excavación do foxo das Covateiras, a primeira intervención arqueolóxica realizada en Galicia dende o punto de vista científico. Licenciado en Historia pola Facultade de Humanidades e Especializado en evaluación e Xestión do patrimonio cultural e arqueoloxía do paisaxe pola Universidade de Santiago de Compostela. David Perez é autor do libro Os foxos do lobo. A caza do lobo na cultura popular (Editorial Canela, 2010).
Foxo do lobo na Serra da Urdiñeira

18.45 H. MESA REDONDA: O LOBO EN OURENSE: Falarán:

  • BENITO GONZALEZ PEÑA: Gandeiro tradicional da Serra de San Mamede. Rebordechao (Vilar de Barrio)
  • ALBERTO FERNANDEZ VAZQUEZ: Axente Facultativo Ambiental. Delegación de Ourense da Conselleria de Medio Ambiente, Territorio e Infraestruturas. Xunta de Galicia. 
  • ALBERTO RIVERO: Naturalista. Ourense
  • EMILIO PARADA CID: Cazador. Castrelo do Val.
MODERADOR: Fernando Serrulla.


19:15 H: CLAUSURA DA XORNADA.

ORGANIZA: Colectivo A Ermida.


COLABORAN: Sociedade Antropolóxica Galega SAGA. Concello de Castrelo do Val. La Caixa.