O soñador de tempos de Fernando Barreira

O recoñecido artista verinés Fernando Barreira Mateo, doou á Plataforma Cidadá para a Defensa do Castelo de Monterrei unha serie limitada de 200 serigrafías numeradas e asinadas da súa obra "O soñador de tempos", na que plasma a súa visión da situación que se está a vivir dende que a Xunta anunciou o pasado mes de febreiro que se construirá un Parador de turismo nas zonas nobres da fortaleza, e que levou a formar a Plataforma, oposta a este uso, que non á rehabilitación do monumento.

O autor cedeu todos os dereitos á Plataforma ca intención de recadar fondos para poder seguir adiante cas accións que se están organizando para procurar frear este proxecto.

Para informarse da traxectoria, traballos, exposicións e premios do autor pode consultarse a súa páxina web http://www.fernandobarreiraobra.com/

As persoas que queiran ter máis información e/ou mercar as serigrafías poden contactar con nós mediante os correos electrónicos: plataformacastelo@gmail.es, edumonterrei@gmail.com; ou por mensaxe ao Facebook: Defensa do Castelo.

Cada elemento que completa a obra ten un significado en relación cos diferentes acontecementos que se veñen sucedendo dende que comezaron as protestas e distintas accións levadas a cabo pola Plataforma. Por outra banda hai detalles que quizais só os que coñecen o Castelo e viviron ao seu arredor poderán atoparlle o sentido que Fernando Barreira lle quixo dar. Agora que posiblemente, "O soñador de tempos" poderá ter tantas interpretacións como persoas intenten analízalo.

- Que ves ti no cadro? como o interpretarías? Deixa voar a túa imaxinación, os teus soños!!!
Escribe un comentario coas túas sensacións, coa túa lectura da obra, todas son correctas!!!